Uvas De Collón De Ghalo

Artesa Cía

1/13

Duración: 70 minutos

Género: Teatro

Público: Tódos os públicos

A montaxe susténtase na herdanza, tradición e cultura dunha galega. As súas conexións co universal provocan a descontextualización de todo obxecto, linguaxe, vestiario ou acción de connotacións localistas, causando reaccións universais.

"Uvas de collón de ghalo tenta amosar de que xeito se vincula a tradición co coetáneo ou, o que é o mesmo, a memoria coa identidade. Escarvando nas lembranzas familiares ou nos arquetipos máis próximos, ensínanos que o cosmopolitismo pode ter a súa orixe na emigración e que a liñaxe das vangardas adoita residir nas aldeas, onde o mundo se observa cunha ironía que desvela as imposturas máis certeiramente que os xornais da capital"

SINOPSE

Se falas con Deus estás a rezar. Se Deus fala contigo, tes esquizofrenia.

Ela, inconforme coa súa situación vital e colmada de cuestións existenciais, atopa refuxio na fresca adega do seu avó Basilio. Nesa adega atopará o secreto para poñerlle maxia á súa existencia.