Para Artesa Cía a súa sede é o seu laboratorio, o seu taller, o seu lugar de encontro e  onde máis tempo pasan.

 

 ArtesaCía fundouse en Nova York 2010-2012. Pero no verán do 2012 os seus fundadores (Laura e Roi) determinaron que Galicia era o mellor lugar para establecer a Compañía. No outono do 2012 comezaron a materializar a idea de crear un espazo propio, unha casa, un lugar onde colisionar artísticamente.

 

Dende o 2012 ata o 2016 Extramuros foi ese lugar, esa casa que lles proporcionou 4 anos de intercambios artísticos, clases, masterclass, un espazo de creación, de rede, un lugar tamén para pensar e vivir.

 

Despois deses 4 anos na Cidade da Coruña unha inundación fíxolles replantexarse un cambiar de espazo. En poucos meses atoparon un novo espazo, que lles obrigaba a cambiar de provincia. Este cambio substancial fíxolles recalcular o proxecto inicial de Extramuros pois xa non estaban nunha cidade senón nunha aldea de Galicia. Alí atoparon  o lugar perfecto para crear  "A Estraperlista" unha Asociación Artística e Cultural  (en homenaxe a todas esas mulleres da raia). 

 

A Estraperlista é a día de hoxe o lugar de creación da compañía.